Færsluflokkur: Bloggar

Silfrið

Ég missti af Silfri Egils um síðustu helgi, en horfði á það áðan á netinu. Ég sá mig nauðugan til að horfa á þetta viðtal í ljósi látana sem það hefur valdið í bloggheimum, útvarpinu og á fleiri stöðum. Einhver útvarpsþátturinn opnaði fyrir símann í vikunni og leyfði fólki að koma sinni skoðun á framfæri um þetta viðtal. Margir höfðu samúð með Jóni Ásgeir og aðrir með Agli. Þarna mætti Jón Ásgeir og svaraði öllum spurningum sem Egill spurði að, og gerði það bara nokkuð vel, svona fyrir venjulegan mann af götunni. Mig. Hins vegar vil ég segja við þá sem gagnrýndu Egil fyrir sína framkomu og "dónaskap" Hver á að gera þetta ef Egill gerir þetta ekki? Það þurfti bara að spyrja Jón Ásgeir þessara spurninga á þennan hátt sem Egill gerði. Svona tölum við "venjulegu mennirnir á götunni" saman. Þetta skiljum við. Ég myndi ekki nenna að tala við vini mína á formlegan hátt, það er ekkert fútt í því. Ég held að það hljóti að vera sannleikskorn hjá þeim báðum þó. Hins vegar held ég að Egill sé í alveg agalega slæmu líkamlegu formi, maður heyrir (og sér reyndar) það nú bara á honum. Það hefur örugglega truflað fólk í gagnrýni sinni á kallinn.

ah - leðja


mbl.is Hefur enn áhuga á Baugi
Tilkynna um óviðeigandi tengingu við frétt

Að hlekkja sig við Seðlabankann....

Þegar íslendingar ákváðu að gera nýtt stöðuvatn við Kárahnjúka, á landsvæði sem engin hafði litið við í áraraðir, þegar íslendingar ákváðu að virkja, búa til peninga, búa til atvinnu, streymdu mótmælendur frá hinum ýmsu löndum upp á hálendið og hlekkjuðu sig við vélar og tæki. Þetta fólk grenjaði og vældi yfir landsvæðinu sem verið var að fórna. Hvar er allt "svona fólk" í dag? Það er kannski helst núna sem okkur vantar stuðninginn. Hvers vegna mótmælir enginn núna í anda þeirra mótmæla sem þá voru? Maður spyr sig? Menn gætu hlekkjað sig við Seðlabankann, nú eða fest á sig handjárn á aðra höndina og náð að festa hinn hlutann við Dabba Odds þegar hann kemur til vinnu. Æ, ég veit ekki. Fólk kom hingað til að reyna vernda "minni máttar" sjálfa náttúruna. Íslenzka efnahagskerfið er minni máttar. Ég mæli með að við flytjum inn nýja pólverja í þetta verkefni (því ekki förum við að gera þetta sjálf, að mótmæla) og fáum svo Sturlu vörubílstjóra til að leiða hópinn. Lýsum svo loks yfir stríði við breska herinn, þeir á móti íslenzka hernum - sönnum íslenzkum vörubílstjórum.

Koma svo...!!!

Samúðarkveðjur til samlanda minna, Leðjubassinn.


mbl.is Rússar og IMF sameinist um lán
Tilkynna um óviðeigandi tengingu við frétt

Rúnar Eff á tónleikum.

Vildi láta þá vita sem hafa áhuga að ég verð að spila með Rúnari Eff og öðrum í hljómsveitinni , fimmtudagskvöldið 17.júlí kl 21:00 á Græna Hattinum á Akureyri og laugardagskvöldið 19.júlí kl 20:00 í Skífunni á Laugarvegi í Reykjavík. Nánari upplýsingar á www.runar.is

Leðjubassinn, 


Þegar ég hitti Paul Stanley...!!

Já þetta var engu líkara en ef að Gunnar í Krossinum hafi hitt sjálfan Jesú.

119Kvöldið fyrir Kiss tónleikana þ.e.a.s. mánudagskvöldið 2.júní s.l. vorum við félagarnir staddir á Café Blasen í Kaupmannahöfn. Café Blasen er lítill bar í hliðargötu uppfrá Strikinu sem æskuvinur minn hann Sigurður Helguson á og rekur ásamt kærustu sinni. Við vorum búnir að vera sötra kaldann Tuborg og komið var vel framyfir opnunartíma staðarins. Sigurður, eða Siggi Dredd eins og hann er alltaf kallaður, var búinn að ganga frá og stóla upp en leyfði okkur að sitja örlítið lengur. En sem betur fer ekki of lengi því þar sem við vissum ekki hvað beið okkar handan við hornið. Jæja, það kom að því að Siggi bað okkur vinsamlegast að fara þar sem hann þyrfti að fara heim að sofa. "Ekki málið Siggi minn, sjáumst á morgun"

Siggi. Frá mínum dýpstu hjartarótum: TAKK FYRIR AÐ "HENDA" OKKUR ÚT ! Grin

Stefnan var tekin á Burger King á horni Strikisins og Ráðhústorgs til að fá okkur einn (líklega vondan) hamborgara fyrir svefninn. Stór dagur á morgun! Við löbbuðum niður fyrrnefnda hliðargötu niður á Strikið og vorum varla búnir að taka beygjuna fyrir hornið þegar við göngum einfaldlega í fangið á Paul Stanley, Tommy Thayer, Doc McGee og nokkrum lífvörðum þeirra. Fyrir þá sem ekki vita, þá er Paul söngvari og annar gítarleikari í Kiss, Tommy er gítarleikari og Doc er umboðsmaður Kiss til áratuga.

Þegar þarna er komið við sögu vissi ég ekki hvert ég ætlaði. Ég hef verið dyggur aðdáandi Kiss frá blautu barnsbeini og bara það að hugsa til þess að daginn eftir færi ég á hina langþráðu Kiss tónleika var nóg fyrir mig. En að rekast á Paul Stanley og fá mynd af mér með honum.....priceless.

Atli og Paul

Við héldum nú ró okkar til að hræða ekki mennina í burtu, en það sem fór ekki í gegnum hausinn á manni. Er þetta í alvörunni að gerast? Var hugsunin um leið og maður svipaðist um eftir sjálfum Gene Simmons. En hann og Eric Singer trommari voru víst upp á hóteli.

Paul Stanley var ótrúlega viðkunnanlegur og þykir greinilega mjög vænt um aðdáendur sína. Hann var hinn vingjarnlegasti og  fannst það nú heldur betur ekki málið að leyfa okkur að taka mynd af okkur með sér. Sama er að segja um Tommy Thayer. Lífverðirnir ætluðu að byrja með eitthvert "pex" (enda þeirra vinna) en Paul var ekki lengi að kæfa það niður. Doc McGee tók eina myndavélina okkar og sagðist aðeins ætla að taka eina mynd og því þyrftum við bara að fjölfalda þessa einu til að fá allir okkar copy (en glöggir menn sjá að ég held á minni myndavél - reddý). Svo smellti hann af þessari líka fínu mynd. Magnað að sjá hvað Doc er alveg eins og Danny DeVito. Smile

En hvað með það, eftir þetta þökkuðum bæði við og þeir fyrir okkur og þeir héldu för sinni áfram og skildu okkur eftir í fullkomnri geðshræringu. Við hringdum í held ég alla í símaskránni okkar til breiða út fagnaðarerindið og tókum svo þá meðvituðu ákvörðun um að fá okkur vel í allar tærnar og það strax.

Kiss í Köben 098Daginn eftir voru svo tónleikarnir eins og áður sagði, og þar framkallaðist önnur geðshræring og í annað skiptið í ferðinni breyttist maður í 12 ára. Tónleikarnir voru hrikalega góðir "showið" var algjörlega "augun úr" og ekki skemmdi sándið fyrir þarna í Forum og staðsetning okkar félaganna. Fremstir af 10.000 gestum. Það hefði líklega verið hægt að telja það á fingrum sínum hversu margir af þessum 10.000 mættu málaðir. En eitt er víst, við vorum langflottastir. Þetta varð til þess að Gene Simmons spottaði mig, benti á mig þar sem ég hoppaði og söng eins og geðsjúkur væri og málaður eins og hann, og rak út tunguna með sitt magnaða augnaráð. Það móment verður ógleymanlegt fyrir mig. Þetta var allt saman að gera sig eins og í draumi. Nánast allt prógrammið var frá árunum 1973 - 1975. Það var ekki fyrr en í "uppklappslögunum" sem maður heyrði eitthvað nýrra. Ég hef alltaf sagt að ef ég færi á Kiss tónleika einn daginn þá myndi ég taka það alla leið, málaður og fremstur. Bara sleppa mér, ég stóð við það og er því eins og Jón Páll heitinn orðaði það svo vel í "seven´t heaven"

Þetta verður aldrei toppað svo mikið er víst. Allir tónleikar hér eftir verður eins og að hlusta á og sjá unglingahljómsveit æfa sig í bílskúrnum. Það getur bara ekki annað verið, ég meina hvað myndi toppa það að hafa hitt hann Jesú, fyrir Gunnar í Krossinum?

 

KISS setlist - Forum Copenhagen June 3, 2008.

Deuce

Strutter

Got to choose

Hotter than hell

Nothin´to lose

C´Mon and love me

Parasite

She

100,000 years

Cold gin

Let me go rock n´roll

Black daimond

Rock and roll all nite

-----------------

Shout it out loud

Lick it up

I love it loud

I was made for loving you

Love gun

Detroit rock city

 

Svo keypti maður tónleikana á CD eftir á. Snilld, ekki nema örfáar mínútur að framleiða 1500 stk og maður upplifir nákvæmlega þessa tónleika hráa, aftur og aftur og aftur og aftur.........!

kv, Leðjan 


Lionel Richie og Kiss

Gamli Lionel Richie slagarinn "Hello" var lokalag útgáfutónleikanna 20.mars 2008. Þetta var reyndar óæft hjá okkur strákunum, en kom bara nokkuð vel út. Rúnar ákvað að mig minnir sama dag og tónleikarnir fóru fram að við myndum enda á þessu lagi. Reyndar sýnir videóið ekki mikið meira en mig, Rúnar og Benna, en herlegheitin heyrast öll þó vel

Annars er gaman að lifa þessa dagana. 25 ára gamall draumur verður að veruleika eftir slétta viku. En þá verð ég staddur í Forum í Köben, að berja goðin augum. Ó já, KISS - here I come.

 

Later,

Leðjan. 


Ósmekkleg auglýsing Plús-ferða !!!

Ég var að fletta í gegnum Fréttablaðið í dag. Þá rak ég augun í stóra auglýsingu frá ferðaskrifstofunni Plús-ferðum sem mér finnst afar léleg og sýnir hún vanhugsaða hugmynd hrint í framkvæmd. Þarna ætla "markaðsmenn" Plús-ferða líklega að vera rosa sniðugir og í takt við tíðarandann og segja: "Þurftirðu að skila jeppanum? En þú kemst samt með Plús-ferðum til útlanda"

Þarna er auðvitað verið að niðurlægja marga hugsanlega kúnna sína og gera grín að restinni af því fólki sem er búið að missa t.d. bílinn sinn í eftirköstum góðærissins. Hver er markhópurinn með þessari auglýsingu? Ekki þeir sem eiga nóg af peningum er það? Fara þeir með Plús-ferðum?

Nei, segjum hjón sem sitja við morgunverðarborðið með kaffið sitt á þessum sunnudagsmorgni. Jeppinn þeirra var tekinn fjárnámi síðasta föstudag. "Heyrðu elskan? Eigum við að kíkja til útlanda? Þeir hjá Plús-ferðum eru að auglýsa ferð hérna, akkúrat fyrir okkur"

Ó Nei. Að mínu mati: Dónalegt, siðlaust..........bjánar.

kv,

Leðjan.....! Angry


Helv.... dráttarkúla !!

Ég á Ford Escape sem ég ætlaði mér að setja dráttarkúlu aftan á fyrir sumarið. Ég er búinn að vera að leita eftir verðum í þetta verk. Það lægsta sem ég hef fengið er 65.000 kr en það hæsta 104.000 kr.

Er ekki allt í lagi? Ef þetta á ekki heima á okursíðu Dr. Gunna.

Leðjan.


Them!

They are here Crying
mbl.is Járnstykki féll af himnum
Tilkynna um óviðeigandi tengingu við frétt

Drottningargata?

Ég er nú frá Akureyri. En aldrei hef ég heyrt um Drottningargötu? Ég veit hins vegar hvar Drottningarbraut er, en það er önnur saga.

Leðjan 


mbl.is Mótmælaaðgerðir á Akureyri
Tilkynna um óviðeigandi tengingu við frétt

Ný plata með Rúnari Eff

Rúnar Eff með plöntuGóður vinur minn úr Barnæsku (með stóru Béi) Rúnar Eff, var að gefa út plötuna Farg. Hann má vera ánægður með þessa plötu, hún er nefnilega ansi góð. Ekki skemmir fyrir bassaleikurinn sem þar heyrist. Nei ég segi svona. Ég vil hvetja alla til að tryggja sér eintak. Einhverjir ættu kannast við hans útgáfu af A-Ha laginu Take on me.

Farg fæst á www.smekkleysa.net og á www.runar.is

Svo verður hún fáanleg í verslunum Hagkaupa og Skífunnar.

Rúnar var með útgáfutónleika á Vélsmiðjunni á Akureyri 20.mars s.l. sem heppnuðust stórkostlega vel. 9 manna hljómsveit, troðfullt hús og frábær stemming. Vonandi fæ ég að spila á Reykvískri útgáfu af þessum tónleikum líka og það bráðlega.

kv,

atli herg - leðjubassi


Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband